Ըստ ՏԱՍՍ-ի՝ ՄԱԿ-ի գլխավոր քարտուղարի տեղակալ, զինաթափման հարցերով գերագույն ներկայացուցիչ Իձումի Նակամիցուն հույս է հայտնել, որ Ռուսաստանը և Միացյալ Նահանգները նախապես երկխոսություն կսկսեն սպառազինությունների վերահսկման նոր համաձայնագրի շուրջ՝ նախքան 2026 թվականին Ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագրի ժամկետի ավարտը:
Ավելի վաղ՝ հունվարի վերջերին, Ռուսաստանի նախագահ Վլադիմիր Պուտինը և ԱՄՆ առաջնորդ Ջո Բայդենը անցկացրեցին իրենց առաջին հեռախոսազրույցը, որի ընթացքում նրանք քննարկեցին, մասնավորապես, Ռուսաստանի Դաշնության և Ամերիկայի Միացյալ Նահանգների միջև ռազմավարական հարձակողական զենքի հետագա կրճատման և սահմանափակման միջոցառումների մասին պայմանագրի երկարաձգումը: Դրանից հետո ռուս առաջնորդը Պետդումա ներկայացրեց փաստաթղթի վավերացման մասին օրինագիծ:
