Ճապոնիայի բնակիչների գրեթե 60%-ը կողմ է, որ երկրի վարչապետ Յոսիհիդե Սուգան անմիջապես կամ սեպտեմբերին հրաժարական տա, երբ լրանան իշխող Լիբերալ-դեմոկրատական կուսակցության առաջնորդի նրա լիազորությունները: Դա են ցույց տալիս ապրիլի 2-4-ը Յոմիուրի թերթի անցկացրած համապետական հեռախոսային հարցման տվյալները, որը հրապարակվել է երկուշաբթի օրը:
Առայժմ Սուգան կառավարության ղեկավարի պաշտոնում հանդես կգա միայն մինչև սեպտեմբեր, երբ պետք է կայանան իշխող կուսակցության ղեկավարի հաջորդ նշանակված ընտրությունները: Գործող վարչապետը դրանց ժամանակ ընտրվելու լավ շանսեր ունի, սակայն, ըստ «Յոմիուրի» թերթի, նրա դիրքերը թուլանում են բնակչության աճող դժգոհության հետ կապված`համաճարակի դեմ պայքարում նկատելի հաջողությունների բացակայության և պատվաստումների ցածր տեմպերի պատճառով:
