Կիևից և ամբողջ աշխարհից 250 ուկրաինացի երիտասարդների հետ տեսակոնֆերանսի ժամանակ Հռոմի Ֆրանցիսկոս պապը լսել է նրանց վկայությունները և հայրենասիրության, երկխոսության և ներումի կոչ արել, հայտնում է Euronews-ը։
Հռոմի պապը դիմել է երիտասարդ ուկրաինացիներին ամբողջ աշխարհում՝ ներման կոչ անելով, չնայած շարունակվող պատերազմին:
Հանդիպումը, որը արքեպիսկոպոս Սվյատոսլավ Շևչուկն անվանել է «Պապի և երիտասարդ ուկրաինացիների առաջին հանդիպումը», տեղի է ունեցել Կիևի Քրիստոսի Հարության տաճարում։
Եվրոպայի կամ Հյուսիսային Ամերիկայի այլ քաղաքներում ապրող որոշ մասնակիցներ միացել են տեսակապով։
Պատերազմից տուժած ժողովրդին ուղղած իր խոսքում Պապը ուկրաինացիներին կոչ է արել մնալ հայրենասեր և սիրել իրենց երկիրը, բայց նաև ընդունել ներումը, և ոչ թե վրեժը:
Հիշեք այն հերոսներին, որոնք իրենց կյանքը տվեցին ձեր երկրի համար,- ասել է նա։- Ձեր հայրենիքը պատերազմից վիրավորված է, բայց սիրեք այն»:
Նա նաև կոչ է արել ուկրաինացիներին դժվար պահին դիմել հավատին՝ օրինակ բերելով Ավետարանը գրպանում ռազմաճակատ մեկնած երիտասարդ զինվոր Ալեքսանդրի օրինակը, որը զոհվեց մարտում։
