Իրանում այսօր սկսվել է տասներեքերորդ նախագահական ընտրություններին որպես թեկնածու գրանցվել ցանկացողների դիմումների ընդունումը: Ինչպես հայտնում է Press TV-ն, իսլամական հանրապետությունում մեկնարկել է ընտրությունների գործընթացը:
Թեկնածուների ցուցակում ընդգրկվելու դիմում ներկայացնել ցանկացողները պետք է Ներքին գործերի նախարարության շտաբ ներկայանան մինչ մայիսի 15-ը և տրամադրեն անհրաժեշտ փաստաթղթերը: Օրենքի համաձայն, նրանց թեկնածությունները պետք է հաստատվեն Իրանի Սահմանադրության պահապան խորհրդի կողմից 5-10 օրվա ընթացքում: Խորհրդի կողմից ընտրություններին մասնակցելու համար ընդունված թեկնածուները հայտնի կդառնան մայիսի 26-27-ը:
