Իսրայելի ուժայինները Հորդանան գետի Արևմտյան ափին ձերբակալել են արմատական պաղեստինյան ՀԱՄԱՍ շարժման ավելի քան 30 ակտիվիստների, հինգշաբթի օրը հաղորդել է Times of Israel թերթը:
«Բանակի, սահմանային ոստիկանության և Անվտանգության ընդհանուր ծառայության համատեղ գործողության արդյունքում ՀԱՄԱՍ-ի տասնյակ ակտիվիստներ բերման են ենթարկվել Ռամալլահից հյուսիս գտնվող Թուրմուս-Այա գյուղի տարածքում, նրանք Բիր Զեյթի համալսարանի Համաս ահաբեկչական կազմակերպության անդամներ էին։ Իսկ բերման ենթարկվածներից ոմանք անմիջականորեն մասնակցում էին ահաբեկչական գործողություններին, այդ թվում՝ գումարի փոխանցումների կազմակերպում, Արևմտյան ափին ՀԱՄԱՍ-ի գործողությունների հրահրում և կազմակերպում: Բոլոր ձերբակալվածները փոխանցվել են անվտանգության ստորաբաժանումներին հետագա հարցաքննության համար», հայտնել են բանակի մամուլի ծառայությունից:
