Իսրայելը սպանել է ՀԱՄԱՍ-ի ռազմական թևի խոսնակին

Իսրայելի պաշտպանության ուժերը (IDF) հաստատել են ՀԱՄԱՍ-ի ռազմական թևի խոսնակ Աբու Ուբեյդայի (Խուդախայֆա Քահլութ) սպանությունը. տեղեկատվությունը տարածվել է IDF Telegram ալիքով։

Գործողությունը, ըստ տեղեկությունների, իրականացրել են Իսրայելի պաշտպանության ուժերն (IDF) ու Իսրայելի անվտանգության ծառայությունը (ISA)։ Այն  ղեկավարվել է ISA իրավիճակային սենյակից, իսկ Աբու Ուբեյդայի գտնվելու վայրն իմացվել  է նախկինում ստացված հետախուզական տվյալների հիման վրա։

Հայտարարության մեջ ընդգծվում է, որ Գազայի հատվածում ահաբեկչական կազմակերպությունների դեմ գործողությունները կշարունակվեն, և Իսրայելի համար ցանկացած սպառնալիք կվերացվի։