Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի զրույցը լավ և երկարատև է եղել, հայտնել է ՌԴ նախագահի մամուլի քարտուղար Դմիտրի Պեսկովը, հայտնում է «ՌԻԱ Նովոստին»։
Նա նշել է, որ երկու երկրների ղեկավարների հանդիպումը դեմառդեմ է եղել։
Կիրակի օրը, Շանհայի համագործակցության կազմակերպության (ՇՀԿ) գագաթնաժողովի շրջանակում Չինաստանում, Պուտինը հանդիպում է ունեցել Հայաստանի վարչապետ Նիկոլ Փաշինյանի հետ։
«Նոր ավարտվեց Հայաստանի վարչապետ Փաշինյանի հետ զրույցը։ Շատ լավ զրույց էր, երկարատև»,-ասել է Պեսկովը լրագրողներին։
