Աֆղանստանի նախագահ Աշրաֆ Գանին կարծում է, որ առաջիկա երեք ամիսների ընթացքում երկրում մեծապես կուժեղացվի անվտանգությունը: Ինչպես չորեքշաբթի օրը հաղորդել է TOLOnews-ը, նա այդ հայտարարությունն արել է Աֆղանստանի հյուսիսում գտնվող Բալխ նահանգի Մազարի-Շարիֆ քաղաք կատարած ուղևորության ընթացքում:
«Առաջիկա երեք ամիսների ընթացքում երկրում անվտանգության իրավիճակը զգալիորեն կբարելավվի: Թալիբները կպարտվեն, իսկ նրանց գրաված բոլոր տարածքները կվերադարձվեն», ասել է նա: Գանին Մազարի Շարիֆում հանդիպել է քաղաքացիական ակտիվիստների, լրագրողների և տեղական ինքնակառավարման մարմինների պաշտոնյաների հետ: Նա մասնավորապես նշել է, որ «Թալիբան» շարժումը հաղթելու համար անհրաժեշտ է ազգային միասնություն:
Վերջին ամիսներին Բալխ նահանգի ինը շրջաններ անցել են թալիբների վերահսկողության տակ: Դրա ֆոնին աշխարհազորայինների խմբավորումներ են հայտնվել նահանգի բնակավայրերում՝ արմատականներին դիմակայելու համար:
