«Թալիբան» արմատական շարժումը դեմ չէ Անկարայի կողմից Քաբուլի օդանավակայանի պաշտպանությանը: Այս կարծիքը երկուշաբթի օրը հայտնել է Թուրքիայի նախագահ Ռեջեփ Թայիփ Էրդողանը Ստամբուլում կայացած մամլո ասուլիսում: Հեռարձակումը վարում էր TRT հեռուստաալիքը:
«Ոչ մի հայտարարություն չի եղել, թե «Թալիբանը» չի ցանկանում [տեսնել] Թուրքիային [Աֆղանստանում]: «Թալիբանը» շատ լավ գիտե, թե ինչ դիրքորոշում ունի Թուրքիայի վարչակազմը այս հարցում: Մենք ունենք որոշակի ծրագրեր և հավատարիմ ենք դրանց: Մենք հույս ունենք, որ բանակցություններ կվարենք թալիբների հետ», շեշտել է նա:
Էրդողանը թալիբների «օկուպացիոն գործողությունները» սխալ է անվանել և կոչ արել դադարեցնել դրանք:
