«Կիևը դրական ազդանշան է ստացել ԱՄՆ նախագահ Դոնալդ Թրամփից, որ իր երկիրը կլինի Ուկրաինայի անվտանգության երաշխիքների կողմ։ Սա հնարավորություն է բացում այլ պետությունների միանալու համար.ըստ UNIAN- ի՝ լրագրողների հետ զրույցում հայտարարել է Ուկրաինայի նախագահ Վլադիմիր Զելենսկին։ Նա նշել է, որ Վաշինգտոնում կայացած հանդիպումից առաջ ԱՄՆ-ն անվտանգության երաշխավորների շարքում չէր, բայց հիմա հայտարարություններ են արվում միանալու իրենց պատրաստակամության մասին։
«Եվ սա, կարծում եմ, հիմնական դժվարություններից մեկն էր։ Որովհետև առանց Ուկրաինայի անվտանգության երաշխիքների համակարգման՝ Ամերիկայի Միացյալ Նահանգների կողմից, որոշակի անորոշություն կար նաև եվրոպացի գործընկերների շրջանում։ Օրինակ՝ մեկ եվրոպական երկիր ասում է. «Մենք պատրաստ ենք դա անել»։ Եվ կա ցանկ, թե ինչ է պատրաստ անել եվրոպական երկիրը։ Եվ այս ցանկից հետո գալիս է «բայց»-ը, եթե, օրինակ, կա Միացյալ Նահանգների ներկայությունը կամ համակարգումը», – ասել է Զելենսկին։
«Հիմա հիմնական երկրների գլխավոր շտաբերը արդեն սկսել են խոսել այն մասին, թե ինչի են պատրաստ։ Եվ որոշ երկրներ, որոնք այնտեղ չէին, հավանաբար, հիմա կհայտնվեն», – հավելել է նախագահը։
Զելենսկին նշել է, որ այսօր հայտնի չէ, թե քանի երկիր է պատրաստ մասնակցել «Boots on the Ground» ծրագրի իրականացմանը, այսինքն՝ օտարերկրյա ռազմական կոնտինգենտի ներգրավմանը որպես ռուսական հարձակումներից պաշտպանության երաշխիքային ուժ։
«Մենք չգիտենք, թե քանի երկիր է պատրաստ «ցամաքային զորքերի» համար։ Մենք գիտենք, որ կոալիցիայում կա 30 երկիր, որոնք հնարավոր է քննարկում են անվտանգության երաշխիքներին իրենց մասնակցությունը։ Մեկը կարող է ցամաքային զորքեր ունենալ։ Մեկը պատրաստ է ապահովել օդային պաշտպանություն։ Մեկը որոշ ժամանակ կծածկի երկինքը կամ կանցկացնի պարեկային ծառայություն երկնքում՝ համապատասխան քանակի ինքնաթիռներով։ Վստահ եմ, որ մեկ ուրիշը պատրաստ կլինի միայն ֆինանսավորման, քանի որ նրանք իրենց Սահմանադրությամբ ունեն չեզոքություն կամ այլ կարգավիճակ», – ասել է Ուկրաինայի նախագահը։
Նրա խոսքով՝ կարևոր է, որ կան երկրներ, որոնք պատրաստ են Ուկրաինային անվտանգության երաշխիքներ տրամադրել, այդ թվում՝ մասնավորապես Ճապոնիան և Ավստրալիան։
