Եվրոմիության և Թուրքիայի հարաբերությունների մակարդակը ընկել է պատմական ամենացածր մակարդակի վրա, ինչի կապակցությամբ ԵՄ-ն պետք է դրանք ամբողջությամբ վերանայի: Այս մասին ասվում է Թուրքիայի վերաբերյալ Եվրախորհրդարանի զեկույցում, որը պատգամավորները հաստատել են չորեքշաբթի Բրյուսելում կայացած լիագումար նիստում:
«ԵՄ-ի և Թուրքիայի հարաբերությունները գտնվում են պատմական ամենացածր մակարդակի վրա: Դրանք այնքան են վատացել, որ ԵՄ-ն պետք է խորապես վերանայի դրանք», ասվում է այնտեղ:
Պատգամավորների կարծիքով՝ ԵՄ-ն պետք է պաշտոնապես դադարեցնի Թուրքիայի՝ Միությանը միանալու բանակցությունները, եթե Անկարան չփոխի իր վարքը: «Պատգամավորները պնդում են, որ Եվրահանձնաժողովը խորհուրդ տա պաշտոնապես դադարեցնել Թուրքիայի անդամակցության բանակցությունները, եթե նա չփոխի ներկայիս բացասական միտումը», ասված է հայտարարության մեջ:
