Դոնեցկում մարտի 15-ը սգո օր է հայտարարվել

30

Մարտի 15-ը Դոնեցկի Ժողովրդական Հանրապետությունում սգո օր է հայտարարվել` ի հիշատակ Դոնեցկի կենտրոնում Ուկրաինայի զինված ուժերի հարվածի հետևանքով զոհվածների։ Այս մասին երկուշաբթի օրը հայտարարել է ԴԺՀ ղեկավար Դենիս Պուշիլինը, գրում է ՏԱՍՍ-ը.

«Այսօր ուկրաինացի նացիստները հրեշավոր ահաբեկչություն են իրականացրել Դոնբասում խաղաղ բնակչության դեմ: Դոնեցկի կենտրոնում նրանք օգտագործել են «Տոչկա-Ու» հրթիռային համակարգը՝ կասետային լիցքավորմամբ: Վաղը՝ մարտի 15-ին, հայտարարված է սգո օր»,- Telegram-ի իր ալիքում գրել է Դենիս Պուշիլինը:

Պուշիլինը հայտնել է, որ վերջին տվյալներով զոհվել է 17 մարդ, ևս 28-ը վիրավորվել են, նրանց թվում կա մեկ երեխա, տվյալները ճշտվում են։

Նա նաև հաղորդել է, որ հարվածը հասցվել է ցերեկային ժամերին, երբ փողոցում շատ մարդ է եղել, բանկերն ու խանութները բաց են եղել։