Գազայում ԶԼՄ-ների գրասենյակների շենքը, որտեղ գտնվում էր նաև Associated Press միջազգային գործակալության մասնաճյուղը, օրինական ռազմական թիրախ էր, քանի որ այնտեղ էր գտնվում ՀԱՄԱՍ-ի առաջատար լաբորատորիան։ Լաբորատորիայի նպատակը իսրայելական հրթիռային համակարգերի արգելափակումն էր, հայտարարել է Իսրայելի վարչապետի ավագ խորհրդական Մարկ Ռեգևը Fox News-ին տված հարցազրույցում:
«Եթե նրանք հաջողության հասնեին, մենք ոչ միայն չէինք կարողանա խոցել այն հրթիռները, որոնք Համասը արձակում է մեր ժողովրդին սպանելու համար, այլև այդքան ճշգրիտ չէինք գործի Համասի ռազմական մեքենային հարված հասցնելու հարցում», ասել է նա:
«Այնպես որ, դա անկասկած օրինական ռազմական թիրախ էր: Այն փաստը, որ Համասը լրագրողներին որպես վահան էր օգտագործում, չպետք է որևէ մեկին զարմացնի», ավելացրել է Ռեգևը:
