Մեծ Բրիտանիայի իշխանությունները 50 տարեկանից բարձր քաղաքացիներին կառաջարկեն աշնանը կորոնավիրուսի դեմ երրորդ պատվաստումը ստանալ, որպեսզի կանխեն մինչև Սուրբ Ծնունդ դեպքերի աճը: Այս մասին չորեքշաբթի օրը հաղորդել է The Times-ը:
Ներկայումս պատվաստանյութի երկու հնարավոր տարբերակ է փորձարկվում Մեծ Բրիտանիայի գլխավոր սանիտարական պետ Քրիս Ուիթիի ղեկավարությամբ:
Առաջին տարբերակը ներառում է կորոնավիրուսի նոր շտամների դեմ պայքարելու համար հատուկ փոփոխված պատվաստանյութերի օգտագործումը:
Այլընտրանքային տարբերակ կարող է լինել երկրում արդեն հաստատված երեք պատրաստուկներից մեկով պատվաստումը՝ Pfizer, AstraZeneca կամ Moderna:
