Բլինկեն. Օդային հարվածը ցույց է տալիս Իրանին, որ ԱՄՆ-ի դեմ գործողությունները չեն մնա անպատասխան

267

ԱՄՆ-ն, Սիրիայում իրանամետ խմբերին հարվածներ հասցնելով, ազդանշան է տալիս Իրանին և այլ երկրներին, որ ամերիկյան շահերի դեմ գործողությունները անպատիժ չեն մնա: Այս մասին հայտարարել է ԱՄՆ պետքարտուղար Էնթոնի Բլինկենը:

«Վերջին մոտ 10 օրվա ընթացքում մի քանի հարձակում է տեղի ունեցել մեր ժողովրդի, մեր դիրքերի և շահերի վրա, ինչի արդյունքում մարդիկ են զոհվել, կան վիրավորներ: Այսպիսով, մենք ստիպված էինք պատասխանել մի կողմից այդ հարձակումներին և միաժամանակ պատասխանել առկա սպառնալիքին, որը շատ ակնհայտ է», նրա խոսքերը մեջբերում է ՏԱՍՍ-ը:

«Մենք շատ հստակ հասկացրեցինք, այդ թվում Իրանին, որ նրանք չեն կարող անպատիժ գործել մեր ժողովրդի, մեր գործընկերների, մեր շահերի դեմ: Եվ ես կարծում եմ և հուսով եմ, որ այդ ազդանշանը հստակ ընկալվել է», ասել է Բլինկենը: