ԱՄՆ նախագահ Ջո Բայդենը հերքել է այն տեղեկությունները, որ ԱՄՆ հետախուզությունը ենթադրաբար Աֆղանստանի կառավարության անկում է կանխատեսում երկրից ամերիկյան զորքերի դուրսբերումից հետո:
«Դա այդպես չէ, նրանք նման եզրակացության չեն հանգել», ասել է նա Սպիտակ տանը զորքերի դուրսբերման վերաբերյալ իր ելույթի ժամանակ:
Ըստ Բայդենի, Աֆղանստանի ղեկավարները «միանշանակ հնարավորություն ունեն այնպես անելու, որ կառավարությունը դիմադրի»: «Հարցն այն է, արդյոք նրանք կկարողանան հասնել այնպիսի համախմբվածության, որ ապահովեն դա», հավելել է ԱՄՆ նախագահը:
