Հունվարի 5-ին Բևերլի Հիլզում կայացած «Ոսկե գլոբուս» 82-րդ մրցանակաբաշխության ժամանակ հայտարարվել են դափնեկիրների անունները։
Լավագույն ռեժիսորանվանակարգում «Ոսկե գլոբուս»-ի դափնեկիր է դարձել Բրեյդի Քորբեթը, որը նկարահանել է «Բրուտալիստ» ֆիլմը։ Այն Հոլոքոստից փրկված հունգարացի հրեա ճարտարապետի կյանքի պատմությունն է։
Լավագույն սցենարի համար մրցանակը ստացել է Պիտեր Ստրաուգանը՝ գերմանացի ռեժիսոր Էդվարդ Բերգերի «Կոնկլավ» ֆիլմի համար։ Այս ֆիլմի սյուժեն հիմնված է Վատիկանի քաղաքական իրադարձությունների վրա։
Լավագույն օտարալեզու ֆիլմ է ճանաչվել ֆրանսիացի ռեժիսոր Ժակ Օդիարի «Էմիլի Պերես» ֆիլմը։ Բացի այդ, ամերիկացի դերասանուհի Զոի Սալդանան առաջադրվել է երկրորդ պլանի լավագույն դերասանուհի անվանակարգում։
Ընդհանուր առմամբ «Էմիլիա Պերես» ֆիլմն առաջադրվել է 10 անվանակարգերում։ Ըստ սյուժեի՝ ֆիլմի գլխավոր հերոսը՝ փաստաբան Ռիտան, որոշում է օգնել մեքսիկական թմրաբիզնեսի առաջնորդին սեռափոխության վիրահատության միջոցով փախչելու գործում։
Լավագույն մինի-սերիալ է ճանաչվել «Fawn»-ը։ Քոլին Ֆարելը և Ջոդի Ֆոսթերն արժանացել մինի-սերիալի լավագույն դերասանի և դերասանուհու մրցանակներին։
«Հնարքներ»-ը ճանաչվել է լավագույն կատակերգական սերիալ։ Ջերեմի Ալեն Ուայթը («Արջ») և Ժան Սմարթը («Հնարքներ») ստացել են «Ոսկե գլոբուս» կատակերգական սերիալի լավագույն դերասան և դերասանուհի անվանակարգում։
62-ամյա ամերիկացի դերասանուհի Դեմի Մուրը ստացել է իր առաջին «Ոսկե գլոբուսը» «Մյուզիքլի կամ կատակերգության լավագույն դերասանուհի» անվանակարգում՝ «Նյութ» սարսափ ֆիլմում գլխավոր դերի համար, որը լավագույն սցենարի համար արդեն արժանացել է Կաննի կինոփառատոնի մրցանակին։
