Ամերիկացի կինոռեժիսոր Շոն Բեյքերի «Անորա» ֆիլմը, որում նկարահանվել են նաև հայ դերասաններ Կարեն Կարագուլյանը և Վաչե Թովմասյանը, առաջադրվել է հեղինակավոր «Ոսկե գլոբուս» մրցանակի. հայտնում է The Guardian-ը:
Ֆիլմն առաջադրվել է «Լավագույն երաժշտական կամ հումորային ֆիլմ», «Լավագույն դերասանուհի», «Երկրորդ պլանի լավագույն դերասան», «Լավագույն ռեժիսոր», «Լավագույն սցենար» անվանակարգերում:
Ռուս դերասան Յուրա Բորիսովը առաջադրվել է «Ոսկե գլոբուսի»։ Երկրորդ պլանի լավագույն դերասան անվանակարգում նա մրցում է Կիրան Կալկինի, Էդվարդ Նորթոնի, Գայ Փիրսի, Ջերեմի Սթրոնգի և Դենզել Վաշինգտոնի հետ:
Պատմության մեջ առաջին անգամ ռուս արտիստը նոմինացվել է երկրորդ ամենահեղինակավոր (Օսկարից հետո) համաշխարհային կինոմրցանակի համար:
Մրցանակները կհանձնվեն 2025 թվականի հունվարի 5-ին, «Ոսկե գլոբուս»-ի 82-րդ մրցանակաբաշխությանը, Լոս Անջելեսում։
