Արդեն յոթ ամիս է, ինչ «Մեդալի հակառակ կողմը» ֆիլմը շարունակում է նվաճել հայ հանդիսատեսի համակրանքը: Վերջին յոթ ամիսների ընթացքում ֆիլմը ցուցադրվել է Երևանում, Հայաստանի մարզերում, Ամերիկայի Միացյալ Նահանգներում, Կանադայում, եվրոպական տասնյակ երկրների շուրջ 33 քաղաքներում, արժանացել ֆիլմասեր հասարակության ջերմ գնահատականին, նվաճել մրցանակներ։
Վերջերս Կանադայի «Պոմեգրանտե» կինոփառատոնի շրջանակներում «Մեդալի հակառակ կողմը» ֆիլմը հաղթող է ճանաչվել «Լավագույն գեղարվեստական ֆիլմ» անվանակարգում։
Այժմ էլ, Հայ կինոյի օրվան ընդառաջ, ինչպես հայտնում է ֆիլմի պրոդյուսեր Աննա Մաքսիմը , Հայաստանի կինոյի հիմնադրամի կողմից արտադրական նպատակով ֆիլմին տրամադրված աջակցությունը` շուրջ 40 մլն դրամ, ամբողջովին վերադարձվել է հիմնադրամի բյուջե։ Սա ֆիլմի նաեւ ֆինանսական հաջողության լավագույն վկայությունն է։
Orer.eu
