Թարմացնենք բոլորիս հիշողությունը։
6 տարի առաջ անհնազանդության խաղաղ ակցիա անողն այսօր հազարավոր ոստիկանների հրահանգում է, որ անհնազանդության խաղաղ ակցիա անողների նկատմամբ բռնի ուժ կիրառելով՝ բողոքի ընդվզումը ճնշեն։
Ընդ որում՝ նա այն ժամանակ ասում էր, որ փողոց է փակում, Ռադիոտունն է գրավում, բեռնատարների երթն է արգելում՝ դրանց դիմաց նստելով, որպեսզի մերժի Սերժին։
Այսինքն՝ նրա արած «խաղաղ ակցիաներն» ընդամենը իշխանության ձգտումով էին, իշխանության փափագով, իսկ հիմա, երբ հայ ժողովուրդը խաղաղ ակցիա է անում Հայրենիքը Ադրբեջանին սկուտեղի վրա մատուցելու՝ իշխանության որոշումը կանխելու համար, այդ ակցիան ճնշվում է բռնի ուժով։
