Այսօր առավոտյան հայտարարվել է Ուկրաինայի վրա ռուսական հրթիռային հարվածների հետևանքով զոհվածների և վիրավորների թիվը. հայտնել է Ուկրաինայի արտաքին գործերի նախարարության «X» սոցիալական ցանցի էջում։
«Այս բարբարոսական հարձակման հետևանքով առնվազն 3 մարդ զոհվեց, ևս 33 մարդ վիրավորվեց: Ռուսաստանը ահաբեկչական պետություն է, որը պետք է պատասխան տա իր կատարած հանցագործությունների համար», – ասվում է Ուկրաինայի ԱԳՆ-ի հրապարակման մեջ։
Ուկրաինայի զինված ուժերի գլխավոր հրամանատար Վալերի Զալուժնին հայտնել է, որ հակաօդային պաշտպանության ուժերը ոչնչացրել են 8 հարվածային անօդաչու թռչող սարք և 18 թեւավոր հրթիռ։
«Ընդհանուր առմամբ, Ռուսաստանը 59 զինատեսակ է օգտագործել Ուկրաինայի վրա օդային հարձակման շրջանակներում»,- նշել է նա։
Նրա խոսքով, այս հարձակման ժամանակ Ռուսաստանն իր զինանոցում ունեցել է ինքնաթիռներ, բալիստիկ, հակաօդային կառավարվող հրթիռներ և հարվածային անօդաչու թռչող սարքեր։
