Քննարկումների ընթացքում հնչում են թեկնածուների անուններ. երբ որոշում լինի, պաշտոնապես կհայտարարենք. Հովհաննիսյանը՝ արդարադատության նախարարի թեկնածուի մասին
Քննարկումների ընթացքում հնչում են թեկնածուների անուններ. երբ որոշում լինի, պաշտոնապես կհայտարարենք. Հովհաննիսյանը՝ արդարադատության նախարարի թեկնածուի մասին
ՔՊ-ական պատգամավոր Ծովինար Վարդանյանն այսօր՝ ԱԺ ճեպազրույցի ժամանակ, հավաստիացրեց՝ երբ «Քաղաքացիական պայմանագիր» խմբակցությունը համապատասխան որոշում ունենա, և Արդարադատության նախարարի թեկնածուի անունը հայտնի լինի, հանրությունն այդ մասին անպայման կիմանա։
Ի պատասխան լրագրողների դիտարկմանը, որ շրջանառվող լուրերի համաձայն՝ այդ պաշտոնը պետք է ստանձնի ՔՊ-ական պատգամավոր Արփի Դավոյանը, ճեպազրույցին ներկա «Քաղաքացիական պայմանագիր» խմբակցության քարտուղար Արթուր Հովհաննիսյանը նկատեց՝ իրենք իշխող խմբակցություն են, խմբակցության ներսում այդ մասով քննարկումներ են տեղի ունենում և դրանց ընթացքում, բնականաբար, հնչում են անուններ։
«Դրանց ավարտից և ամփոփումից հետո հանդես կգանք պաշտոնական հաղորդագրությամբ»- նշեց նա։
