2022 թվականի դեկտեմբերից մինչև 2023 թվականի սեպտեմբերի 19 նախազգուշացումներ էին հնչում այն մասին, թե ինչ կարող է տեղի ունենալ Լեռնային Ղարաբաղում, «Ընդդեմ Ցեղասպանության հանցագործության» 5-րդ գլոբալ ֆորումի ժամանակ այսօր ասաց ՀՀ նախկին արտգործնախարար Զոհրաբ Մնացականյանը ։
Բանախոսը կոչ արեց կրկնապատկել ջանքերը և ստեղծել նորմատիվային ակտեր, որոնք կկանխեն ցեղասպանության իրականացումը։
Զոհրաբ Մնացականյանը նման փաստաթղթղերի ընդունումը շատ կարևոր համարեց։
Ըստ ՀՀ նախկին արտգործնախարարի՝ խոշոր երկրներն այսօր շեղված են այդ թեմայից։ Նա կոչ արեց փոքր երկրներին ջանքեր գործադրել և այս հարցում միասնություն ցուցաբերել։
Զոհրաբ Մնացալկանյանը նաև համոզմունք հայտնեց, որ ՄԱԿ Անվտանգության խորհրդի անդամները պետք է ակտիվանան և համագործակցեն այլ երկրների հետ, ինչը, նրա կարծիքով, կբարձրացնի աշխատանքի արդյունավետությունը։
