Թումանյան փողոցում վաղ առավոտից շարունակվում է առողջ, կենսունակ ծառերի սպանդը։
Ակնհայտ է, որ իշխանությունները խորապես թքած ունեն թե՛ մասնագիտական կարծիքի, թե՛ հանրային ընդվզման վրա։
Երեկ էլ ոստիկանությունը ձերբակալել է «Ազգային առաջընթաց» կուսակցության երկու ներկայացուցչի, որոնք փորձել են խոչընդոտել Թումանյան փողոցի ծառահատումները։
Ավինյանը մտադիր է Թումանյան փողոցում հուդայածառեր տնկել՝ հաշվի չառնելով մասնագետների կարծիքը, որ Երևանի կիսանապատային կլիմայի պայմաններում սակուրան ու հուդայածառը նպատակահահարմար չեն, որովհետև ոչ տերև ունեն, ոչ սաղարթ։ Բացի այդ, մինչև նոր տնկված ծառերը մեծանան, տարիներ են պետք։ Ուստի հին ծառերը նորերով փոխարինելու դեպքում, նորմալ իշխանություն ունեցող քաղաքներում «նախկին» ծառի կողքին նորն են տնկում, որ մինչև նոր տնկածը մեծանա, հինը թթվածին արտադրի, շարունակի իր բարերար ազդեցությունը։
