Քրիստինա Քվիենը հաստատվեց ՀՀ-ում ԱՄՆ դեսպանի պաշտոնում

ԱՄՆ Սենատը քվեարկությամբ հաստատել է Քրիստինա Քվիենին Հայաստանի Հանրապետությունում ԱՄՆ դեսպանի պաշտոնում։

Քրիստինա Քվիենը 2019 թվականից եղել է Ուկրաինայում ԱՄՆ դեսպանի պաշտոնակատարը:

Քվիենը եղել է նաև ԱՄՆ Ազգային անվտանգության խորհրդի ԵՄ, Ուկրաինայի և Բելառուսի հարցերով տնօրեն: Վերջերս դեմոկրատ սենատոր Ռոբերտ Մենենդեսը գոհունակություն էր հայտնել, որ Քվիենն իր խոսքում չի վարանում արտասանել Հայոց ցեղասպանություն արտահայտությունը։

Կալիֆորնիայում ծնված դիվանագետն ունի քաղաքագիտության բակալավրի աստիճան և ռազմավարական հետազոտությունների մագիստրոսի աստիճան:

Հիշեցնենք, որ Հայաստանում ԱՄՆ դեսպանի պաշտոնը 2019 թ. փետրվարի 19-ից զբաղեցնում է Լին Թրեյսին: