Ազգային ժողովի նախագահ Ալեն Սիմոնյանը «Քաղաքացիական պայմանագիր» խմբակցության պատգամավորներ Բաբկեն Թունյանին եւ Արման Եղոյանին գործուղման ուղարկելու մասին որոշումներ է ստորագրել։
Այսպես. Բաբկեն Թունյանն այս օրերին՝ նոյեմբերի 20-26-ը, Չինաստանում է։ Թե ինչ նպատակով է Թունյանը Պեկին մեկնել, որոշման մեջ հստակեցված չէ։ Նշված է միայն, որ դա «աշխատանքային այց» է։
Բաբկեն Թունյանի գործուղման հետ կապված բոլոր ծախսերը՝ ճանապարհածախսն ու գիշերավարձը, հոգում է հրավիրող կողմը:
Մեկ այլ ՔՊ-ական՝ Արման Եղոյանը, նոյեմբերի 26-29-ը կմեկնի Իսպանիա՝ Եվրոպական Միության հարցերով խորհրդարանական հանձնաժողովների համաժողովին (COSAC) մասնակցելու։
Եղոյանի մադրիդյան գործողման բոլոր ծախսերը՝ ճանապարհածախսը, օրապահիկն ու գիշերավարձը, կատարվելու է ՀՀ բյուջեի հաշվին։
Ս․Վ․
