Այդ մասին, ինչպես փետրվարի 12-ին տեղեկացրել է «Timeturk.net» կայքէջը, հայտարարել է «գորշ գայլերի» քաղաքական կազմակերպության՝ «Ազգայնական շարժում» կուսակցության Ստամբուլի նախկին պատգամավոր Ահմեդ Չաքարը:
Նա ահա թե ինչ է ասել թուրքական հեռուստատեսության էկրանից. «Քուրդ ժողովուրդ, որպես այդպիսին, գոյություն չունի: Քրդերը թուրք ազգի անբաժանելի մասն են՝ բառիս բուն իմաստով թուրքեր: Քրդերի և թուրքերի միջև չկա ոչ ազգային, ոչ էլ ցեղային տարբերություն: Քրդերին մեզնից բաժանելը ստորություն է, անպատվություն, հակասում է օրենքին, բարոյականությանը և ամենևին չի համապատասխանում պատմական իրողություններին:
Ինչպե՞ս կարելի է խոսել գոյություն չունեցող քուրդ ժողովրդի մասին, խոսելն անգամ ինքնին հանցագործություն է: Զայրացած եմ ասում, որովհետև այս կարգի խոսակցություններ լսելիս սիրտս մղկտում է»:
Ինչո՞ւ: Հավանաբար «բառիս բուն իմաստով թուրք հանդիսացող» քրդերին համարելով առանձին ժողովուրդ՝ նրանց թուրքերից տարանջատելու թուրքական իրականության մեջ առկա հիվանդագին դրսևորումների համար:
Հակոբ Չաքրյան
