Դեմոկրատական կուսակցության ազգային կոմիտեի նախագահ Ջեյմի Հարիսոնը հայտնել է, որ նոյեմբերի ընտրություններին դեմոկրատական կուսակցության նախագահի թեկնածուն վիրտուալ քվեարկության միջոցով կորոշվի մինչև օգոստոսի 7-ը. հայտնում է The New York Times-ը
Լրագրողների հետ զրույցում Հարիսոնը և DNC-ի այլ ներկայացուցիչներ պարզաբանել են, որ եթե ԱՄՆ փոխնախագահ Քամալա Հարիսն ապահովի առնվազն 300-ի աջակցությունը, կդառնա նախագահի թեկնածու։ Դեմոկրատական կուսակցության առաջիկա համագումարին կմասնակցի 4600 պատվիրակ, քվեարկությունը տեղի կունենա օգոստոսի 1-7-ը:
ԱՄՆ նախագահ Ջո Բայդենը հուլիսի 21-ին հայտարարել է, որ չի հավակնելու վերընտրվել պետության ղեկավարի պաշտոնում՝ միաժամանակ աջակցելով Հարիսի առաջադրմանը Դեմոկրատական կուսակցության թեկնածուի պաշտոնում։
