ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպման ընթացքում բարձրացրել է ադրբեջանցիների կողմից՝ Լաչինի միջանցքը փակելու հարցը։
«Վստահ եմ, որ Դուք տեղյակ եք, որ վերջերս փակվել էր Լաչինի միջանցքը և Լեռնային Ղարաբաղում կան շատ մեծ մտահոգություններ՝ այս առնչությամբ։ Իհարկե, մենք միշտ քննարկում ենք այդ հարցերը։ Հուսով եմ, որ այսօր մենք կկարողանանք քննարկել տարածաշրջանային անվտանգության բոլոր կարևոր հարցերը»,- ասել է Փաշինյանը։
Նա նշել է, որ իրավիճակը տարածաշրջանում շարունակում է լարված մնալ։
«Ուզում եմ նշել, որ մեր տարածաշրջանում հիմնական խնդիրը, իհարկե, մնում է ԼՂ կարգավորումը։ Ցավոք, վերջին շրջանում մենք նկատում ենք նաև լարվածության աճ ԼՂ-ում՝ ռուս խաղաղապահների պատասխանատվության գոտում, ասաց Փաշինյանը։
