Նիկոլ Փաշինյանի գլխավորած պատվիրակությունը ժամանել է Էստոնիա
Այցի շրջանակում Փաշինյանը հանդիպում կունենա Էստոնիայի նախագահ Ալար Կարիսի, Էստոնիայի Հանրապետության վարչապետ Քրիստեն Միխալի հետ։
Հանդիպման ավարտին Նիկոլ Փաշինյանը և Քրիստեն Միխալը ԶԼՄ ներկայացուցիչների համար հանդես կգան հայտարարություններով:
Մինչ այդ Փաշինյանը այցելել է Տալլինի Սուրբ Գրիգոր Լուսավորիչ եկեղեցի: Նրան դիմավորել է Բալթյան երկրների Հայոց թեմի առաջնորդ Գերաշնորհ Տ. Վազգեն արքեպիսկոպոս Միրզախանյանը: Կատարվել է մոմավառություն, ծաղիկներ է խոնարհել եկեղեցու բակում կանգնեցված խաչքարի մոտ: Նաև հանդիպում է ունեցել Էստոնիայի հայ համայնքի ներկայացուցիչների հետ:
