Մենք ասել ենք, որ համայնքներում ՏԻՄ ընտրություններում ՔՊ-ի ցուցակի առաջին համար տեսնում ենք մեր տարածքային կազմակերպությունների խորհրդի նախագահներին, ԱԺ-ում լրագրողների հետ զրույցում նշեց ՔՊ խմբակցության պատգամավոր Վահագն Ալեքսանյանը՝ անդրադառնալով դիտարկմանը, որ թեև ՔՊ-ն որոշել է Գյումրիի համայնքապետի պաշտոնակատար նշանակել Կարեն Սարուխանյանին, բայց քաղաքապետի թեկնածու է առաջադրելու այլ անձի:
Անդրադառնալով դիտարկմանը, որ Կարեն Սարուխանյանը ցածր վարկանիշ ունի, Ալեքսանյանը լրագրողներին հակադարձեց՝ դա նրանց գնահատականն է, ՔՊ-ն հարցում չի արել:
Նա ընդգծեց, որ ՔՊ-ն քաղաքապետի ընտրության գործընթաց չի գեներացնի, որպեսզի օր առաջ տեղի ունենան արտահերթ ընտրություններ, և եթե պարզվի, որ առանց համայնքապետի ժամանակավոր պաշտոնակատարի հնարավոր չէ ընտրությունների գնալ, օր առաջ կնշանակվի ժամանակավոր պաշտոնակատար:
Վահագն Ալեքսանյանը խոսեց նաև քաղաքական ճգնաժամը լուծող հնարավոր սցենարի մասին, այն է՝ լուծումը նախագծի տեսքով կբերվի խորհրդարան, կընդունվի փաթեթ, որը հնարավորություն կտա Գյումրիում արտահերթ ընտրությունների գնալ:
«Մյուս կողմից ինձ հետաքրքրիր կլինի, թե մեր խորհրդարանական ընդդիմությունը վերջապես կհամարձակվի՞ իր անունով մասնակցել որևէ ՏԻՄ ընտրության, թե ոչ»,- նշեց իշխանական պատգամավորը:
