Տավուշի մարզի սահմանապահ Ներքին Կարմիրաղբյուր գյուղի մաթեմատիկայի ուսուցչուհին, որը Չինարի գյուղից է, հուլիսի 22-ին եռյակ էր լույս աշխարհ բերել: Բարի լուրը կայծակնային արագությամբ տարածվեց ու մեծ ոգևորության առիթ հանդիսացավ հատկապես որ այդ օրերին Ադրբեջանը թիրախավորել էր Տավուշի սահմանները, և եռյակի ծնունդն էլ ավելի խորհրդանշական իմաստ ստացավ:
Նորածինները՝ Ռոզան, Արենն ու Ալեքսը մինչև հիմա հիվանդանոցում էին: Այսօր նրանք մայրիկի հետ դուրս են գրվել ու տուն եկել:
Կուշտ ուտելուց հետո նրանք մուշ-մուշ քնել են պապիկի պատրաստած օրորոցներում։
