Վրաստանի ընդդիմադիր կուսակցությունները կարող են հակասահմանադրական ճանաչվել

Վրաստանի վարչապետը չի բացառել ընդդիմադիր կուսակցություններին հակասահմանադրական ճանաչելու համար դատարան դիմելու հնարավորությունը։

Վրաստանում շարունակվում են ցույցերը այն բանից հետո, երբ Կոբախիձեն հայտարարեց, որ «Վրացական երազանք-Ժողովրդավարական Վրաստան» կուսակցությունը որոշել է մինչև 2028 թվականի վերջ օրակարգ չներառել Եվրամիությանն անդամակցելու շուրջ բանակցությունների հարցը և հրաժարվել համայնքի բոլոր բյուջետային դրամաշնորհներից՝ դրանք համարելով շանտաժի միջոց։