Սյունիքից հայտնում են, որ մոլորված երկու անչափահաս տղաներին ադրբեջանցիները գերեվարել են

Սյունիքի մարզի երկու անչափահաս բնակիչներ մոլորվել են և հայտնվել Ադրբեջանի տարածքում. տեղեկացնում է ՀՀ ԱԱԾ-ն:

«Ստացված տվյալների համաձայն՝ ՀՀ Սյունիքի մարզի Տեղ համայնքի բնակիչներ Կարեն Արմենի Ջհանգիրյանը (ծնված 27.06.2007թ.) և Անդրեյ Արմենի Գյագունցը (ծնված 13.01.2008թ.) 2025 թվականի հունիսի 6-ին՝ ժամը 01:20-ի սահմաններում, Սյունիքի մարզի Արավուս գյուղի հարակից հատվածում՝ տեղանքում մոլորվելու հետևանքով հայտնվել են Ադրբեջանի տարածքում։

Ձեռնարկվում են անհրաժեշտ բոլոր միջոցները՝ քաղաքացիների գտնվելու վայրը պարզելու և նրանց անվտանգ վերադարձն ապահովելու ուղղությամբ»,- ասված է հաղորդագրությունում։

Նշենք, որ ադրբեջանական լրատվամիջոցները, միայն հղում անելով ՀՀ ԱԱԾ-ին, կրկնում են նույն հայտարարությունը, թե հայ-ադրբեջանական սահմանին երկու մարդ անհետ կորել է, իսկ «Ազգային վերահսկողության համակարգ» կազմակերպության նախագահ Արթուր Գրիգորյանը հայտնում է.

Գիշերը 05.06.25թ. լույս 06.06.25թ. ժամը 00:00-01:00 սահմաններում Արավուս գյուղի ուղղությամբ երկու հայ երիտասարդ փորձել են գտնել և վերադարձնել իրենց ձին։ Որոնողական աշխատանքների ժամանակ թշնшմին նկատել է և գերեվարել նրանց, այնուհետև նստացերել մեքենան ու տարել անհայտ ուղղությամբ։