Այս գիշեր Փարաքարում իսկական ամերիկյան մարտաֆիլմ է եղել. ձերբակալվել է Սոցապ նախկին նախարար, ԱՄՆ -ում դեսպան նշանակված Նարեկ Մկրտչյանի եղբայրը` Մկրտիչը` գրպանում, ասում են, թմրանյութի փոքրիկ պարկերով. տեղեկացնում է լրագրող Սյուզի Բադոյանը։
Միջադեպն այսպես է եղել. կեսգիշեչին, Փարաքարում ՔՊ-ական դեսպանի ՔՊ-ական եղբորը` Մկրտիչ Մկրտչյանի Mazzerati 01 WM 808 մեքենան պարեկները կանգնեցնում են։
Մկրտիչը խուճապահար ծնկին դրած պայուսակը միանգամից տալիս է կողքի նստածին։ Պարեկները նրան իջեցնում են մեքենայից ու հենց սկսում են խուզարկել գրպանները, կողքի տղան անմիջապես իջնում ու փախչում է, ոստիկաններն ընկնում են հետևից, սա խուճապից ձեռքի պայուսակը շպրտում է։
Առգրավված պայուսակում, իմ տեղեկություններով, եղել է չգրանցված զենք. պատմել է լրագրողը։
ՔՊ-ական նախկին նախարարի եղբորը` Մկրտիչին, անմիաջպես ձերբակալում են, ու հիմա նա Էջմիածնի ՁՊՎ- ում է։
Մկրտիչ Արշակի Մկրտչյանի (ծնվ 1992թ.), Mazzerati 01 WM 808 մեքենան տուգանային հրապարակում է։
Ընկերը, ըստ աղբյուրի, հետապնդման մեջ է։
Սյուզի Բադոյանն այնուհետև հայտնել է, որ նախկին սոցապնախարար, իսկ այժմ ԱՄՆ-ում ՀՀ դեսպան նշանակված Նարեկ Մկրտչյանի եղբորը՝ Մկրտիչ Մկրտչյանին, ձերբակալել է պարեկ Ալիկ Պետրոսյանը։ Նրան զանգահարել է Պարեկային ծառայության պետ Արթուր Խուդինյանը, բայց պարեկ Պետրոսյանը համառել ու ձերբակալել է Մկրտիչ Մկրտչյանին։
