Սրանք «Հայաստան» խմբակցության բոլոր 28 պատգամավորների ստորագրություններն են, որոնք բավարար չեն իմպիչմենտի գործընթացը սկսելու համար. հայտնում է «Հայաստան» խմբակցության ղեկավար Սեյրան Օհանյանը՝ հրապարակելով 28 պատգամավորների ստորագրությունները և անուն-ազգանունները։
«Մանիպուլյացիաների փոխարեն հարկավոր է ուժերը կենտրոնացնել ՔՊ և անկախ պատգամավորների ստորագրությունները ստանալու ուղղությամբ։
Մեր ստորագրությունների հրապարակումից հետո «Հայաստան» խմբակցության պատգամավորների թիրախավորման արշավի շարունակության դեպքում, կարծում ենք՝ այլևս բոլորը կարող են եզրահանգումներ իրականացնել գործընթացի իրական նպատակների վերաբերյալ»,-գրել է նա։
«Ստորագրությո՞ւն էիք ուզում… ստորագրություն «կստանաք»,-գրել է Գեղամ Մանուկյանը՝ հրապարակելով նույն ցանկը։
