Այսօր լրանում է Արմեն Աշոտյանի որդու 20 ամյակը, և նա իր հասունության մուտքը ոտք է դնում այն իրավիճակում, երբ Արմենը կալանքի տակ է «Վարդաշեն» ՔԿՀ-ում, ՀՀԿ փոխնախագահ Արմեն Աշոտյանի գործով դատական նիստից առաջ այսօր լրագրողների հետ զրույցում ասաց Նաիրա Զոհրաբյանը։
«Անհեթեթ գործ է հարուցված՝ բժշկականի և Բրյուսովի։ Երկուսն էլ, ոնց նայում ես, պրպտում ես այդ գործերը, ծայրից ծայր քաղաքականության հոտ է գալիս»,- ասաց նա։
Նաիրա Zոհրաբյանը միաժամանակ նշեց, որ դատախազություն են հրավիրե լԱշոտյանի հորը և քրոջը՝ ապօրինի ինչ-որ գույքի բռնագանձման առնչությամբ։
«Սա քաղաքական հաշվեհարդար է, հետապնդում է Արմեն Աշոտյանի և իր կուսակցության խոսքի համար։ Այստեղ երկու կարծիք չի կարող լինել։
Այստեղ իրավաբանություն կա այնքան, ինչքան ես Անգլիայի թագուհին եմ, այսինքն՝ չկա։ Ես ավելի շատ շանսեր ունեմ Անգլիայի թագուհին լինելու ինչ-որ իրավիճակներում, քան այս գործի մեջ կա որևէ իրավական հետք»,- ասաց Նաիրա Զոհրաբյանը։
Խոսելով նախկին պատգամավոր, «Մայր Հայաստան» կուսակցության վարչության անդամ Արեգնազ Մանուկյանի կալանավորման մասին՝ նա նշեց.
«Եթե այս իրավիճակւը լիներ նախկին որևէ իշխանության օրոք, երբ կնոջ տանեին կալանքի այն բանի համար, որ թուղթ է փոխանցել Թևանյան Անդրանիկին մի նիստից, որի վերաբերյալ թե՛ Գեղամ Մանուկյանը, թե՛ Արմեն Ռուստամյանը հայտարարեցին, որ չհասկացան՝ 2024 թվականի ԱԺ այդ նիստն ինչո՞ւ է փակ, այնտեղ որևէ պետական գաղտնիքին առնչվող նյութ չի քննարկվել։
Եվրոպական կառույցներն, անձամբ իմ կոկորդից բռնած, ասում էին՝ ձեր օրենսդրությունը պիտի փոխեք այնպես, որ կալանքը, որպես փախանման միջոց, ընտրվի բացառիկ դեպքերում, մենք տեսնում ենք, որ կալանքի դարձել է պոպկորն, սեմչկա, ևբոլորին տանում են կալանքի»։
Ըստ Նաիրա Զոհրաբյանի՝ Եվրոպայի խորհուրդը, Վենետիկի հանձնաժողովոը ձայն չեն հանի, քանի որ Նիկոլ Փաշինյանը քարտ բլանշ ունի՝ անելու այն, ինչ ուզում է՝ սեփական իշխանությունը պահելու համար։
