ԼՂ-ից հայ բնակչության հեռանալուց հետո տարածաշրջանում ռուս խաղաղապահների ներկայության պատճառները նվազել են։ «Газета»-ի հետ զրույցում ասել է Պետդումայի ԱՊՀ հարցերով կոմիտեի նախագահի առաջին տեղակալ, պատգամավոր Կոնստանտին Զատուլինը։
Նրա խոսքով, Ադրբեջանը դեռ չի բարձրացնում զորքերը դուրս բերելու հարցը, որպեսզի Ռուսաստանը դա չընկալի որպես պարտություն կամ զիջում։
«Քանի որ ԼՂ-ում հայ բնակչություն չկա, հարց է առաջանում՝ ի՞նչ են անում այնտեղ մեր խաղաղապահները։ Կարծում եմ, որ Ադրբեջանի ղեկավարությունը դեռ հարցեր չի բարձրացրել նրանց դուրսբերման մասին միայն այն բանի համար, որպեսզի դա Ռուսաստանում չընկալվի որպես պարտություն, զիջում, որպես ՌԴ-ից դուրս մեր զինվորականների ներկայության պատճառած վնաս։ Բայց իրականում մեր խաղաղապահների ԼՂ-ում գտնվելու պատճառները նվազել են»,- ասել է նա։
Զատուլինը ռուս խաղաղապահների ներկայության իմաստն Արցախում տեսնում է հայերի տների, պատմամշակութային հուշարձանների պաշտպանությունն իրականացնելու մեջ։
«Որոշակի հույս կա, որ հայերի մի մասը կվերադառնա ԼՂ, սակայն այն պայմանները, որոնք Ադրբեջանը պաշտոնապես առաջադրում է հայերի վերադարձի համար, դժվար թե նպաստեն նրանց վերադարձին։ Ուստի ռուս խաղաղապահների ներկայությունն այստեղ շատ դժվար հանգամանք է։ Տեղի բնակչության արտագաղթը ԼՂ-ից այլևս չի արդարացնում նրանց այնտեղ գտնվելու պատճառները»,-նշել է Զատուլինը։
