Երկու երկրների ղեկավարությունն Ադրբեջանի տարածքից ռուս խաղաղապահների վաղաժամկետ դուրսբերման մասին որոշում է կայացրել. ասել է ԱՀ նախագահի օգնական Հիքմեթ Հաջիևը՝ պատասխանելով AZERTAC-ի հարցին՝ կապված Ադրբեջանի տարածքից ռուս խաղաղապահների դուրսբերման մասին տեղեկատվության հետ:
«Հիմք ընդունելով 2020 թվականի նոյեմբերի 10-ին ստորագրված եռակողմ հայտարարությունը՝ երկու երկրների բարձրագույն ղեկավարությունը որոշում է կայացրել մեր երկրի տարածքից վաղաժամ դուրս բերել ռուս խաղաղապահներին։ Ադրբեջանի և Ռուսաստանի պաշտպանության նախարարությունները ձեռնարկում են անհրաժեշտ միջոցներ այս որոշման կատարման համար»,- նշել է ադրբեջանցի պաշտոնյան։
