Իտալական Ա սերիայի 3-րդ տուրում «Ռոման» հյուրընկալվել էր «Սալերնիտանային»։ Հռոմեական թիմը հաղթեց 4։0 հաշվով։
48-րդ րոպեին Պելեգրինին բացել է խաղի հաշիվը։
4 րոպե անց Հենրիխ Մխիթարյանի հաշվենկատ փոխանցումից հետո Վերետուն 2-րդ գնդակն է ուղարկել տանտերերի դարպասը։ Այնուհետև Աբրահամն է գոլի հեղինակ դարձել, ապա դուբլ է ձևակերպել Պելեգրինին։
Հենրիխ Մխիթարյանը մեկնարկային կազմում էր և փոխարինվել է 70-րդ րոպեին. մինչ այդ՝ 67-րդ րոպեին հայ կիսապաշտպանը դեղին քարտ է ստացել։
Այս հանդիպումից հետո Հենոն միանալու է Հայաստանի ազգային հավաքականին, որը սեպտեմբերի 2-ին հյուրընկալվելու է Հս. Մակեդոնիայի ընտրանուն։
«Ռոման» 2-րդ հաղթանակն է տանում, իսկ «Սալերնիտանան» նույնքան պարտություն է կրել։
