ՀԷՑ–ի ժամանակավոր կառավարիչ Ռոմանոս Պետրոսյանը նոր նշանակում է արել՝ անգործ չթողնելով Գյումրու քաղաքապետի չընտրված քպ-ական թեկնածու Սարիկ Մինասյանին։
Գյումրու ավագանու ՔՊ խմբակցության ղեկավար Սարիկ Մինասյանը հայտարարել է, որ այսօրվանից ստանձնում է ՀԷՑ-ի Շիրակի մարզային կառույցի տնօրենի պաշտոնը:
«Ինչպես ինձ վստահված բոլոր պաշտոններում, այստեղ ևս ծառայելու եմ երկրիս՝ ի շահ մեր պետականությանը, ի շահ Հայաստանի Հանրապետությանը:
Մեր երկրի էներգետիկ ոլորտը, որը ռազմավարական նշանակություն ունի, պետք է ամրապնդվի, ուղղի մեջքն ու իրական զարգացման ճանապարհին կանգնի:
Մեծ պատիվ եմ համարում իմ ներդրումն ունենալ ոլորտի կայունացման գործընթացում:
Վստահ եմ՝ սպառողը կարճ ժամանակ անց զգալու է այն դրական փոփոխությունները, որոնց հասնելու ենք»,– գրել է Մինասյանը։
