ՄԱԿ-ում Ռուսաստանի մշտական ներկայացուցչությունը հայտարարել է, որ Իգոր Կիրիլովի դեմ կատարված ահաբեկչության հարցը կբարձրացնի Անվտանգության խորհրդի` դեկտեմբերի 20-ին կայանալիք նիստում, հայտնում են ռուսական ԶԼՄ-ները:
ՄԱԿ-ում ՌԴ մշտական ներկայացուցչության հայտարարության մեջ, մասնավորապես, ասված է. «Կիրիլովի նկատմամբ իրականացված ահաբեկչությունը պետք է բացեիբաց դատապարտվի ամբողջ միջազգային հանրության կողմից»:
Նշենք, որ ՌԴ ԶՈւ Քիմիական պաշտպանության գործարանի գեներալ-լեյտենանտ Իգոր Կիրիլովը զոհվել է Մոսկվայի Ռյազանի պողոտայի բնակելի շենքի մոտ տեղի ունեցած պայթյունի հետևանքով: Նշվում է, որ շքամուտքի մոտ կանգնած էլեկտրական սկուտերի վրա ինքնաշեն պայթուցիկ սարք է տեղադրված եղել, որը գործարկվել է հեռակառավարմամբ։
Ռուսաստանը կատարվածի համար մեղադրել է Ուկրաինային, իսկ ավելի վաղ Ռուսաստանի Քննչական կոմիտեն Կիրիլովի մահը ահաբեկչություն է որակել:
