Վիրտուոզ դաշնակահար Դենիս Մացուևը Երևանում հանդես կգա երկու մենահամերգով։ Նոյեմբերի 8-ին նա ջազը համադրելու է դասականի հետ՝ ներկայացնելով իմպրովիզացիաներ, իսկ նոյեմբերի 9-ին նվագելու է Բեթհովեն, Լիստ, Բախ, Գրիգ, Պրոկոֆև։
Հայաստանի ու իր կապն անվանում է սիրավեպ. Սիրում է Հայաստանն էլ, հայ հանդիսատեսին էլ։ Ասում է, որ այստեղ իրեն զգում է ինչպես իր տանը։
Դենիս Մացուևն ու ջազն իրար հետ կապվել են վաղուց։ Հայրն է նրան սովորեցրել դասական ստեղծագործությունների հիման վրա ջազային իմպրովիզացիաներ անել, հետո, իհարկե, հմտություններ է ձեռք բերել՝ սովորելով պրոֆեսիոնալների մոտ։
Մացուևը քաջատեղյակ է հայ երաժշտությանը, ուսումնասիրել է Արամ Խաչատրյանի, Առնո Բաբաջանյանի, Ալեքսանդր Հարությունյանի, Էդվարդ Միրզոյանի ստեղծագործությունները, ունի շատ հայ ընկերներ, իհարկե, նաև՝ երաժիշտ։
Երևանյան համերգներին անհամբերությամբ է սպասում։ Ասում է՝ ամեն անգամ դահլիճից անասելի մեծ էներգիա է ստանում։
Մանրամասները՝ տեսանյութում.
