Երեկվա նիստին Իլհամ Ալիևի հնչեցրած հոխորտանքներին ի պատասխան, որոնք հնչել էին թե՛ Հայաստանի, թե՛ եվրոպացիների հասցեին, եվրոպացիների մասով պատասխենց միայն Եվրոպական խորհրդարանի նախագահ Ռոբերտա Մեցոլան, նախագահական նստավայրի դիմաց այսօրվա բողոքի ակցիայի ժամանակ ասաց ՀՀԿ փոխնախագահ Արմեն Աշոտյանը։
«Պարզվեց՝ Մեցոլան ավելի լավ տղա է, քան Նիկոլ Փաշինյանը, ով նստած էր այնտեղ ու անգամ «պու» չհանեց՝ ի պաշտպանություն հայկակակնության և հայություն։ Մեր շահը պաշտպանող չկա»,- ասաց նա։
Խոսելով նախօրեին կայացած Եվրոպական քաղաքական համայնքի գագաթաժողովի, ինչպես նաև այսօր կայացած ԵՄ-ՀՀ առաջին գագաթաժողովի մասին՝ Արմեն Աշոտյանը նկատեց՝ այս միջոցառումները դարձել են Նիկոլ Փաշինյանի նախընտրական արշավի մաս, ինչը գեղջկական բնույթ է ստացել։
«ՔՊ-ական վերնախավի ու իրենց քարոզչական ապարատի աշխատանքից այնպիսի տպավորություն է, որ սպիտակ տերերը եկել են երրորդ աշխարհի երկիր, աբորիգեն հայերը երգ ու պար են անում, խոնարհվում են։ Արժանապատվություն չկա, չէր էլ կարող լինել, քանի որ Նիկոլն այն մարդը չէ, որ արժանապատվություն ունի, երկրորդ՝ կարիք ունեն սպիտակ տերերի, որոնց աջակցությունից է կախված, ըստ իրեն, իր քաղաքական իշխանության վերարտադրությանը»,- ասաց Աշոտյանը։
