Ուկրաինայի զինուժը գնդակոծության է ենթարկել Դոնեցկի Կիրովսկի շրջանի Տեքստիլշչիկի միկրոշրջանի շուկան։
Հարձակման հետևանքով զոհվել է 25, վիրավորվել 10 տեղի բնակիչ. հայտնել է քաղաքապետ Ալեքսեյ Կուլեմզինը։
Քաղաքային իշխանությունները նախապես հայտնել էին 13 զոհի մասին, թիվը հետո է ավելացել։
Ալեքսեյ Կուլեմզինը հայտնել է Դոնեցկի Կույբիշևսկի շրջանում ուկրաինական անօդաչու թռչող սարքի հարձակման մասին։ Նրա խոսքով՝ զինամթերքը գցվել է վերանորոգման խմբի վրա, որն այդ ժամանակ աշխատելիս է եղել ջեռուցման ցանցերի վթարը վերացնելու համար։
Հարձակման հետևանքով վիրավորվել է մեկ աշխատակից։
«Հարվածներ Դոնեցկում խաղաղ քաղաքացիական օբյեկտներին, անմարդկային, նպատակաուղղված խաղաղ բնակչության սպանությունը, և արևմտյան երկրների մասնակցությունը, ովքեր աշխատում են հօգուտ Կիևի ռեժիմի ընդդեմ խաղաղ բնակիչների դառնալու է ՄԱԿ-ի Անվտանգության խորհրդի քննարկման առարկա, որին կմասնակցի ՌԴ ԱԳ նախարար Սերգեյ Վիկտորովիչ Լավրովը»,- հայտնել է ՌԴ ԱԳՆ ներկայացուցիչ Մարիա Զախարովան։
Տեսանյութը դիտեք Azg.am-ի տելեգրամյան ալիքում։
