Իսրայելում Ուկրաինայի դեսպանատունը մեղադրել է երկրին ռուսական զորքերի հետ բախումների ժամանակ վերջույթներ կորցրած ուկրաինացի զինվորներին օգնություն չցուցաբերելու մեջ։ Այս մասին հայտնում է The Jerusalem Post- ը ։
«Իսրայելը պրոթեզավորման ոլորտում միջազգային փորձագետ է։ Մենք ակնկալում ենք, որ Իսրայելի կառավարությունը բարոյապես ճիշտ բան կանի և օգնի Դելիլին և շատ այլուկրաինացիների», – ասվում է Ուկրաինայի դեսպանատան սոցիալական ցանցերում, որին կցված է 19-ամյա ուկրաինացի զինվոր Դելիլ անունով տղամարդու լուսանկարը, ով կորցրել է երկու ոտքերը:
Միևնույն ժամանակ նշվում է, որ Իսրայելում Ուկրաինայի դեսպան Եվգեն Կորնիյչուկը հիասթափություն է հայտնել, որ Իսրայելը «չի կատարել վիրավորներին բուժելու իր պարտավորությունները», ինչպես նաև «ամբողջությամբ չի փոխանցել զրահաբաճկոնների և սաղավարտների խոստացված պաշարը»։
Ավելի վաղ Կորնիյչուկը Իսրայելին մեղադրել էր ուկրաինական զինված ուժերին Spike SR հակատանկային համակարգեր և Iron Dome հակահրթիռային պաշտպանության համակարգեր մատակարարելուց հրաժարվելու մեջ։
Նա ռուս-ուկրաինական հակամարտությունը համեմատել է Գազանի հատվածի հակամարտության հետ:
Թարգմանությունը Gazeta.ru-ից` Azg.am-ի
