Ո՛չ, դա անհնար է, այսօր լրագրողների հետ զրույցում հայտարարեց ՀՀ վարչապետ Նիկոլ Փաշինյանը՝ պատասխանելով Ադրբեջանի կրոնական առաջնորդ Ալլահշուքյուր Փաշազադեի հակահայկական հայտարարությունների և Հայ Առաքելական եկեղեցու շուրջ գործընթացների միջև հնարավոր կապի մասին հարցին։
«Ես չեմ հետևում Ադրբեջանի հոգևոր առաջնորդի հայտարարություններին։ Միգուցե դա իմ թերությունն է, բայց ես նույնիսկ միջազգային հարթակներում չեմ հետևում նրա հայտարարություններին», – նշեց Փաշինյանը։
Նրա խոսքով՝եթե ինչ-որ մեկը ցանկանա համընկնում գտնել, ապա կգտնի։
Նա միաժամանակհավելեց, որ երեկ լուրեր դիտելիս է իմացա հանցագործության մասին հաղորդման, ինչպես նաև իրավապահների արձագանքի մասին։
«Ես բացառում եմ, որ այն գործընթացները, որոնք տեղի են ունենում և որոնց մասին հայտարարվում է, որևէ կերպ դուրս են գալիս իրավական ընթացակարգերի և օրենքի շրջանակներից։
Ես ենթադրում եմ, որ դուք (լրագրողները – խմբ.) այդ դեպքերի մասին ավելի շատ փաստեր կունենաք, քան ես։
Ես լիազորություն չունեմ բոլորին ցուցումներ տալու։ Եվ չեմ կարծում, որ Հայաստանում կան պաշտոնյաներ, որոնք պատրաստ են կատարել ապօրինի ցուցումներ։ Հայաստանում պետական մարմինները գործում են իրենց լիազորությունների և իրավունքների շրջանակում։ Բայց եթե նույնիսկ տրվեց ցուցում, ո՞վ է պատասխան տալու այդ ապօրինի գործողության համար։ Ո՞վ է վերցնելու պատասխանատվությունը դրանք կատարելու համար։ Նման բան չկա», – ասաց Փաշինյանը։
Նրա խոսքով՝ Հայաստանում կա մի երևույթ. պատասխանատվությունից խուսափելու լավագույն միջոցը ընդդիմադիր քաղաքական գործունեությամբ զբաղվելն է։
«Կա մարդ, որը մեր ստեղծած կազմակերպությունում պաշտոնյա է եղել, բայց հենց որ հայտնվեց հետախուզման մեջ, պարզվեց, որ նա ամբողջ կյանքում ընդդիմադիր է եղել», – հավելեց նա։
