Նիկոլ Փաշինյանը ֆեյսբուքյան իր էջում մեջբերում է արել 1064 թվականին սելջուկների կողմից Բյուզանդիայի կառավարման ներքո գտնվող Անի քաղաքի գրավման, ինչպես նաև էժան և ձրի աշխատող պաշտոնյաների մասին (Հայոց պատմություն, հատոր II, գիրք երկրորդ, էջ 188-189 Ակադեմիական հրատարակություն, Երևան, 2014).
«Կայսրությունից Անին զրկողը, գրում է Ատտալիատեսը,- Մոնոմախ կայսրի կծծիությունն էր: Անիի կառավարիչը ռոճիկ էր ստանում, բայց կայսերը ներկայացավ Բագարատ անունով ոմն հայ և նրան ասաց, թե կառավարիչի պաշտոնն առանց վարձի կարող է վարել և ավելի լավ պահպանել քաղաքն ու նրա շրջակայքը: Կայսրը նրան ընդառաջեց, նշանակեց դուքս և ընձեռեց կառավարչի պաշտոնը:
Բայց Բագարատը վատ էր վարում գործերը, նա միջնաբերդը հացով չապահովեց, պատերազմական կամ քաղաքական ոչ մի հարց հաստատ չլուծեց և հոյակապ քաղաքը գցեց մեծ վտանգների մեջ, քանզի ի վերա ամենայնի, այս «անվարձ զորավարը» պետությանն օգուտ տալու համար կայազորն էլ էր ցրել և խոստացել քաղաքն առանց կայազորի պաշտպանել»:
