Քաղաքագետ Արա Պողոսյանը գրում է. «Իլհամ Ալիևը «Ալ-Արաբիա»-ին տված սկանդալային հարցազրույցում կասկածի տակ դնելով Նիկոլ Փաշինյանի լեգիտիմությունը, հասկանալով, որ այն, ինչ ստորագրել է Փաշինյանը լայն առումով չի արտահայտում հայ ժողովրդի հավաքական ցանկությունները, նշում է․ «Սա երկու պետությունների միջև կնքված համաձայնություն է։ Սա իմ ու Փաշինյանի միջև համաձայնություն չէ»։
Սրանով նա փորձում է նախ ազդել հայ ժողովրդի կամքի և ցանկությունների վրա, սպառնալով համարժեք պատասխանով, ապա՝ Հայաստանի ապագա իշխանություններին է զգուշացնում։ Ամենայն հավանականությամբ նաև Ադրբեջանում են հասկանում, որ Փաշինյանի իշխանության մնալու միակ տարբերակը ռեպրեսիաներն ու ընտրակեղծիքներն են, ինչը կրկին չի ապահովի լեգիտիմություն և հավաքական հայ ժողովրդի հետ պայմանավորվածություն Փաշինյանի միջոցով։
Այսպես կոչված «Զանգեզուրյան միջանցքի» մասին ևս Ալիևը հետաքրքիր թեզ է առաջ բերում, միանգամայն հերքելով ՀՀ իշխանությունների բոլոր հայտարարությունները։ Այստեղ նա մասնավորապես նշում է, որ միջանցքը պարզապես անվանումն է փոխել, անվանվելով Թրամփի անունով, սակայն պահպանելով էությունը»։
