Ինչպես որ ենթադրվում էր ԱՄՆ նախագահ Ջոզեֆ Բայդենն Ապրիլի 24-ի ուղերձում 1915-ի իրադարձությունները բնութագրեց որպես “ցեղասպանություն”: Դա կատարյալ իրարարանցում է առաջացել Թուրքիայում: Հեռուստատեսությունները, ընդհատելով ընթացիկ հաղորդումները, անդրադարձան ԱՄՆ նախագահի ուղերձին, իսկ թերթերը կայքէջերում “ցեղասպանություն” բառի օգտագործումն ուղերձում, ներկայացրին իբրև “թեժ լուր”:
Նախագահ Բայդենը, ըստ թուրքական թերթերի, մասնավորապես ասել է. “Ամեն տարի, այս օրը վերհիշում ենք Օսմանյան շրջանում Ցեղասպանության զոհը դարձած հայերին և կրկնում մեր հավաստիացումը, որ այդպիսի աղետ այլևս տեղի չունենա: 1915 թ. ապրիլի 24-ին Կոստանդնուպոլսում օսմանյան ուժերի կողմից հայ մտավորականների ու համայնքի ղեկավարների ձերբակալությամբ 1.5 մլն. հայ արտաքսվեց երկրից, սպանվեց և ոչնչացման նկատառումով ուղարկվեց դեպի մահ”:
Գրավոր ուղերձում նաև Մեծ Եղեռն արտահայտությունն օգտագործող նախագահ Բայդենն այնուհետև հավելել է. “Մենք շարունակում ենք դրսևորել մեր ուժեղ կեցվածքն ատելության կործանարար բոլոր դրսևորումների դեմ, հարգանքով ենք վերաբերում հայերի պատմությանը: Նրանց վիշտը զգում և վերահաստատում ենք պատմական իրողությունը: Եվ դա անում ենք ոչ թե մեղքը ոմանց վրա բարդելու, այլև այդ իրադարձությունների կրկնությունը կանխելու համար”: Վերջում ԱՄՆ-ի նախագահն ընդգծել է, որ Ամերիկայի ժողովուրդը իր հարգանքի տուրքն է մատուցում 106 տարի առաջ այսօր սկսած Ցեղասպանության հայ զոհերին:
